இதுவரை தமிழ் படங்களில் மட்டுமே நடித்து வந்த நடிகர் விஜய் முதன் முறையாக நேரடி தெலுங்கு படமொன்றில் நடிக்கப் போகிறார். அந்த படம் த்ரீ இடியட்ஸ் தெலுங்கு ரீ-மேக். டைரக்டர் ஷங்கர் இயக்கப்போவதாக கூறப்படும் இப்படத்தின் தமிழ் பதிப்பில் விஜய், ஆர்யா, ஜீவா நடிக்கிறார்கள். தெலுங்கில் விஜய் பாத்திரத்தில் மகேஷ் பாபு நடிப்பார் என்று முதலில் கூறப்பட்டது. இப்போது தெலுங்கிலும் விஜய்யையே நடிக்க வைக்கும் முயற்சியில் இறங்கியிருக்கிறார் விஜய்யின் தந்தை எஸ்.ஏ.சி.. இதற்காக தனது முன்னாள் சிஷ்யரான டைரக்டர் ஷங்கரிடம் பேசிய சந்திரசேகர், அதில் வெற்றியும் கண்டு விட்டதாக தெரிகிறது. த்ரி இடியட்ஸின் தெலுங்கு ரீ-மேக்கில் விஜய் நாயகனாக நடிப்பார் என்ற தகவல் கோலிவுட்டில் பரவலாக பரவுகிறது. விரைவில் அதிகாரப்பூர்வ அறிவிப்பு வெளிவரலாம்.
0 comments:
Post a Comment