டைரக்டர் ஏ.ஆர்.முருகதாஸ் இயக்கத்தில் தமிழில் வெளியாகி ஹிட் ஆன கஜினி படத்தின் இந்தி பதிப்பில் நடித்ததன் மூலம் பாலிவுட்டின் முன்னணி நடிகை அந்தஸ்துக்கு உயர்ந்தவர் நடிகை அசின். அப்படத்தை தொடர்ந்து அவர் நடித்த லண்டன் ட்ரீம்ஸ் படம் எதிர்பார்த்த அளவு வெற்றிபெறாவிட்டாலும் அசினின் மவுசு இந்திப்பட உலகில் குறையவில்லையாம். அடுத்தடுத்து பட வாய்ப்புகள் வந்து வாயிற்கதவை தட்டினாலும், லண்டன் ட்ரீம்ஸ் தோல்வி காரணமாக நல்ல கதையம்சம் கொண்ட, தனக்கு முக்கியத்துவம் கொடுக்கும் படங்களில் மட்டுமே நடிப்பேன் என்று கூறி வாய்ப்புகளை மறுத்து விட்டார் அசின். இந்நிலையில் அசின் மேலும் 2 இந்திப்படங்களில் கமிட் ஆகியிருப்பதாக தகவல்கள் வெளியாகியுள்ளன. 2011ம் ஆண்டு தொடங்கவிருக்கும் இப்படங்கள் தனக்கு இந்தியில் மேலும் நல்ல பெயரை வாங்கிக் கொடுக்கும் என்கிறார் அசின். தற்போது தமிழில் விஜய்யுடன் காவலன் படத்தில் நடித்து வரும் அசின், மலையாளம் மற்றும் தெலுங்கிலும் நல்ல கதையுடன் வாய்ப்பு கிடைத்தால் நடிக்கத் தயார் என்றும் கூறியிருக்கிறார்.
0 comments:
Post a Comment